மனத் தனியன்

இடப்புறம் ஒருக்களித்து இரவோடு 

படுத்திருக்கிறேன் தனிமையில் 

வலது விழியோரம் நீர் கசிந்து 

இடவிழி சேர்ந்து கனக்க 

இமை மீறிக் கண்ணீர் 

காதை நனைத்துக் கரைய 

மனதும் கரைந்தது - ஆனாலும் 

கரையாது கல்லாய்ச் சமைந்திருக்கின்றன

சில நினைவுகள் மட்டும் 

கண்களைக் கசித்துக்கொண்டு 

பிரிவென்னும் நரகத்திலுழல்வது 

மகாகவிக்கு மட்டும் நிகழ்வதில்லை 

எனக்கும் என் போன்ற சாமான்ய 

மனத் தனியர்களெல்லாருக்கும்

***