தொடர்ந்து முழங்கும் குண்டுகளால்
அதிர்கின்றன நெஞ்சுக்கூடுகள்
பற்கள் அரைபட இறுகிய தாடை
இமைகளைப் பிரிக்கிறது நீர்க்கோடு
வெடித்துக் கிளம்பும் விம்மல்கள்
விழி வழியாய் வெள்ளமென உணர்வுகள்
வெடித்திடத் துடிக்கின்றன இதயங்கள்
சூன்யம் நிரம்பித் ததும்புகிறது வீடு
அந்தியிருள் சூழ்ந்து வர வெளிச்சமின்றி
இருண்டிருக்கின்றன உயிரற்ற விளக்குகள்
ஒட்டடை போர்த்திய நடைவண்டி பரணில்
தூசி படிந்த அறையில் அசைவற்ற தூளி்
ஒலியெழுப்ப அஞ்சியுறங்கும் கொலுசு
ஓரமாய் கிடக்கும் விளையாட்டுச் சாமான்கள்
மழலையும் கொலுசுச் சத்தமும் ஓய்ந்து
மயானமாய் காட்சியளிக்கிறது வீடு
துணிசுருட்டித் தூக்கிய கரங்களிலிருந்து
எழும்பிப் பரவித் தொட்டுலுக்குகிறது உயிரை
அக்குழந்தையின் மணம் இன்னும்
****
அலகிலாக் காதல்
உன் என நினைக்குமுன்னே உள்ளில் நிகழும் நெகிழ்வையும் என் எனச் சொல்லுமுன்னே என்னில் நீ நிறைவதையும் எனக்கெல்லாம் நீயே என்பதை எவ்வார்த்...
-
மொழியிலடங்கா உணர்வுகளை எனக்குள் எப்போதுமெழுப்புகிறாய் தேவதையே உன் குரல் கேட்க உனைக் காணத் துடிக்கிறதென் இதயம் காலமும் தொலைவும... -
அடுக்கடுக்காய் மலைத்தொடர் அலைபோல் முகடுகளில் வழிந்து தவழும் மேகங்கள் மஞ்சள் புல்வெளிகளுக்கிடையே கரும்பச்சை மரக் கொத்துகள் பரமபதப் ப...
No comments:
Post a Comment